Uga me enda ukurndu jine, Kila?
Malu gendang katawari pe tenahken jelma erkerja
La mandang kai si kurang, ndahiken dahin si rulo
Senang, ipala-palaindu ntah uga pe ndube ukurndu
Kai me enda cikepenndu
Maka seh kel paguh dingen meriah ukurndu enggual
Malu gendang la terjeng malu
Si apai pakendu orat?
Oratkenndu tapi la belaskenndu ertina
Tendiku ngaloi arah odak
Pegeluhken ukur meriah
Kucuba, tuhu la nungkah
Nungkun ukurku, kupepayo
Tapi uga maka kurang ter kuakap mukuisa
Odak pe la seh, ersora la terendekken
Terjeng tortih tortih denga nge ngenca
Tuhu, enda gendang, gendang kegeluhen
Ipalu, mpegeluhken
Nungkir penggual, erlajar kerna nggeluh
Ngarep tendi, pepagi baci malu janah nggeluh
