Seminar Budaya Karo "Ertutur"

            I bas wari Minggu tanggal 19 Juni 2011, GBKP Runggun Depok Lenteng Agung melalui Sanggar Budaya “Tuah Ginemgem”, divisi peradaten ngelakoken seminar budaya Karo “Ertutur”. Seminar enda i hadiri oleh Mamre, Moria ras si itumaken Permata ras anak KA/KR sebagai generasi muda, generasi penerus. Seminar si ertujun guna ngelestariken budaya Karo alu mpetandaken budaya ertutur si jadi salah sada dasar si penting i bas kegeluhen kalak Karo. Mperdiateken kegulehen anak singuda si gundari khususna si lit i bas kota-kota si ndauh arah Taneh Karo bagi si lit i bas Pulau Jawa enda ndalani kebudayaan si baci ikataken modern, kurang meteh budaya asalna, emaka seminar si jadi salah sada program sanggar “Tuah Ginemgem” si ibentuk i bas awal tahun 2011 si lit i teruh bidang Kebudayaan dan LITBANG Runggun Depok-Lenteng Agung. Sanggar Budaya enda sendiri ibentuk sebagai wujud perhatian Runggun enda guna ngelestariken kebudayaan Karo i GBKP Runggun Depok-Lenteng Agung. Sanggar enda i bagi pemfokusen ku bas telu divisi, emekap divisi peradaten, divisi tari ras divisi musik.

            Kenca dung kebaktin, kira-kira jam sebelas ciger seminar enda ibenaken alu sesi pertama pemaparen bahan arah Pt. Em. J.R. Depari kerna ertutur si iselingi alu peragaan sederhana alu ncontohken piga-piga kalak arah peserta si ihadiri kira-kira 200 kalak. I bas sesi si pemena enda ituriken kerna Merga Si lima rikut ras cabang-cabang mergana kerina; Rakut Si telu; ras Tutur Si waluh rikut pe perkade-kaden si 12+1. I bas sesi kedua kenca elah man, ilanjutken alu ngelakoken semacam simulasi ertutur enda si tetap ipandu pembicara alu mencontohken . I bas simulasi enda, kerina peserta ituntut aktif lako sioraten tutur. Piga-piga contoh itampilken i lebe guna baci iperdiateken kerina peserta. Si jadi contoh lit antara orang tua ras orang tua, orang tua ras anak, bagepe anak ras anak. I jenda anak lit ka antara anak perana ras singuda-nguda. Si jadi bagin si menarik, cara ertutur endape ilakoken rikut ras percakapen i bas ertutur pada umumna, suasana seminar i jenda jadi meriah ras kerina ikut tawa mperdiateken simulasi ertutur enda erkiteken simulasi enda mungkin sitik lucu, jarang ijumpai, terlebih-lebih man anak singuda.

            Seminar si erdalan kira-kira i bas empat jam enda i selingi alu penampilen divisi musik nampilken lagu-lagu Karo si ndekah bagepe si populer si iringi alu alat musik kolaborasi antara musik modern (gitar ras bass) ras musik tradisional, kulcapi, penganak bagepe piga-piga ketteng-ketteng si imainken piga-piga Permata si lenga ndekahsa erlajar, lenga beluhsa kel, tapi amin bage gia, enggo baci cukup mengiringi. Kenca dung sesi simulasi enda, emaka tetap alu iringen musik kolaborasi tradisional ras modern kerina peserta rende ras landek si laguna Mejuah-juah.

Nara sumber,  Pt. Em. J.R. Depari sangana mengarahken
peragaan ertutur Sinuraya mergana dan beru Sembiring

            Mbera-mbera lit pagi terus baci iban seminar budaya bagenda rupa gelah nambah-nambahi pengangkanta ras kerina kerna budayanta. Janah, la terjeng seminar ngenca, tapi alu ilitken seminar enda, iarapken kerina peserta baci make pemeteh si enggo idatken enda i bas kegeluhenna, i ja pe kita jumpa ras kalak Karo baci sioraten tutur, erbapa si biak erbapa, ernande si biak ernande, ermama, erbibi, ersenina, erturang, erimpal ras seterusna gelah sitehen tutur tole baci ngerana “erkesehen” si jadi ciri khas Kalak Karo sebage tanda Kalak Karo tehna erhamat. Mejuah-juah, salam budaya Runggun Depok nari.